Nina spør om IKT og meldinga om kvalitet i barnehagen. Du har rett i at det ikkje er ei hovedsak, vi kunne sikkert godt djupare inn i det. Det er imidlertid omtala i punkt 9.7. Så kan eg varsle at vi om kort tid vil sette i gang etableringa av eit IKT-senter som også får ansvar for barnehagen. Eg skal også sjå nærare på forslaget om ein nettportal.

Geir LS og  Torgeir Åge kommenterer min artikkel om 4000 nye lærarar. Tallgrunnlaget for den er heilt rett og baserer seg på tall som SSB har samla inn og som er presentert samla av Utdanningsdirektoratet her. Eg viser til utviklinga sidan den raud-grøne regjeringa overtok, altså dei tre åra frå skuleåret 05-06 til 08-09. Kort oppsummert viser tala at det vart om lag 4000 fleire lærarar (personar) i periode og noko over 2500 årsverk (det eksakte talet går ikkje an å skaffe). Det er samstundes klårt at lærartettleiken har blitt betre og gruppestørrelsen noko mindre, men endringane er relativt små. I forrige periode, med Høgre ved makta, vart gruppene større og det var nedgang i talet på årsverk.

Det er fleire menn her; timetalet har gått opp, og noko av veksten har kome i form av personar utan godkjend pedagogisk utdanning. Når det gjeld artikkelen som Geir og Torgeir Åge viser til, så handlar den om utviklinga siste år (i tillegg til at den har gjort eit noko anna utval). Det er ingen tvil om at utviklinga siste år var klart dårlegare enn dei to første. Det var i bunn og grunn lite endring det siste året, heile veksten kom dei to første raud-grøne åra. Det stemmer også med den generelle kommuneøkonomien.

Fleire kommentarar kjem inn til mine postar om kompetansekrav til lærarar. Dei fleste støttar tanken, men har ulike innspel. Eg tenkte eg ville gje eit døme frå det nokså omfattande kunnskapsgrunnlaget vi har på dette feltet. (more…)

Dei fleste norske lærarar er flinke og fagleg sterke. For å vere ein god lærar må du både ha fagleg kunnskap om det du underviser og evne til å formidle det. Du kan vanskeleg bli ein dyktig lærar utan begge deler.

Vi veit at ein god del lærarar ikkje har fordjuping i faga dei underviser i. Det er bakgrunnen for at vi i 2009 for første gong etablerer eit varig system for vidareutdanning for lærarar og andre viktige tiltak retta mot lærarane. Vi skal også legge fram forslag om ei ny lærarutdanning om kort tid.

Eg vurderer også om vi bør stille krav til fagleg kompetanse for lærarar som underviser i grunnskulen, slik det er presentert på NRK radio i dag tidleg. Innslaget og nettsaken kan

For det første vurderer vi det. For det andre kan det i prinsippet vere i alle fag på alle trinn, men det er mest aktuelt på ungdomstrinnet. Vi har allereie slike krav til lærarar i norsk, matte og engelsk på ungdomstrinnet. Utfordringa som møter deg som lærar er særs ulik frå ei ny gruppe 1.klassingar til å vere mattelærar for 10.klasse. Mykje er sjølvsagt det samen, men det første krev evne til innlæring av grunnleggjane dugleikar, særleg stor sosial kompetanse og behov for å vere mykje med elevane i mange fag. Det siste krev stor fagleg kompetanse og evne til å formidle eit krevjande fag. Difor er fagkompetanse særleg viktig på ungdomstrinnet, medan allmennkompetanse er viktigast på byrjinga av barnetrinnet. Og difor vurderer vi å innføre kompetanse krav for å undervise i fag, i første rekke på ungdomstrinnet.

Så kjem eg om kort tid tilbake med konklusjonen frå Regjeringa!