Takk igjen for mange gode spørsmål i digital spørretime. Eg må innrømme at det var utruleg morosamt. Litt leit at over halvparten av spørsmåla var ubesvart, men det er også eit sikkert teikn på at eg må gjere det igjen.

Det var fleire ting som ikkje fungerte så godt som det burde, og vi må sjå etter forbetringar til neste runde. Eg treng hjelp av dokke til det. Difor, evaluering fase 1; Kommenter her. Skriv inn di oppleving av møtet, med særleg vekt på kva som må fungere betre. Kom også med framlegg til kva vi skal gjere med det.

Oppdatering 22.25; Til dei eg ikkje fekk svart; Eg synest det er dumt, eg hugsar at eg nesten hadde dårleg samvit for det der eg sat og svarte. Men ser no at eg faktisk svarte på 46 spørsmål, ikkje verst. Trur det er eit nesten uløyseleg problem. Er det mange nok spørsmål får du ikkje svart på alle.

Ser at dei del har sendt tweets med spørsmål på #spørSolhjell allereie. Eg må skuffe med at berre dei som sender inn spørsmål mellom 13-15 vil kome med i sjølve spørretimen. Vi har gjort det slik denne gongen, eg berre minner om det. Vi sjåast i morgon!

Minner om digital spørretime her i morgon 14-15, du kan stille spørsmål frå 13.00.

Christine har kommentert dei viktigaste spørsmåla som kom opp til den forrige posten, men eit par små ting: Forskjellen på det eg skal forsøke ig eit nettmøte i avisene er først og fremst at dette blir uredigert. Det er vel mange som ikkje veit det, men avisenes nettmøter skjermer oss politikarar godt. Vi får inn spørsmål, svarer på dei vi vil sjølv og dei øvrige spørsmåla forblir ubesvart og ukjent for verda. Det er jo fint for den som svarer, så får vi sjå kva eg utset meg sjølv for:-)

Ed spør korleis vi politikarar har tid til å gjere “alt anna”. Svaret er at for meg er ikkje dette “alt anna”. Det er det sentrale. Politikk handlar mest av alt om å representere folk. Då må du møte folk, utsette deg for meiningar, lytte og arguementere for ditt syn. Det er difor vi politikarar bruker masse tid på debattar, partimøte, 1.mai, skulebesøk og bedriftsbesøk. Eg ser på dette som eit slikt møte. det kan på ingen måte erstatte det verkelege møtet mellom menneske, men det kan heller ikkje ein tv-debatt.