Audun Lysbakken og eg inviterer i dag til digital spørretime kl 12.30

SV har valkampopning i dag. Etter den vil vi følge opp pressekonferansen på Parkteateret med ei digital valgkampopning. Allereie no kan du stille spørsmål til Audun og meg på http://rettvenstre.no og http://bardvegar.no. Skriv  i kommentarfeltet til denne posten. Hugs å skrive spørsmålet ditt på bloggen til den du vil skal svare. Dei 5 mest populære spørsmåla frå kvar blogg vil bli besvart mellom 12.30 og 13.30 i morgon. For å stemme kan du lage ein profil her.

I tillegg til at innsendte spørsmål vil få svar, vil det også foregå ei livesending i Cover It Live der alle er invitert til å stille spørsmål om SVs valkamp og politikk. Dette kan du gjere direkte i Cover It Live vinduet eller via twitter med hashtagen #SVlive.

Vi prøver oss med denne kombinasjonen no, så får vi sjå korleis det går. Eg trur det kan skape litt meir system i dei innsendte spørsmåla, samstundes som ein faktisk kan kommentere og forhalde seg til det som skjer på opninga.

Her kan du følge spørretimen:

http://bardvegar.no

http://rettvenstre.no

http://sv.no

På onsdag 6.mai skal eg gjennomføre eit eksperiment klokka 14-15. Eg skal arrangere den første digitale spørretimen i norsk politikk (så vidt eg veit).

Kvifor: Eg meiner det er bra om vegen frå deg til ein politikar er kort. Sosiale medier kan gjere det lettare. Eg vil forsøke å la folk få stille meg spørsmål live og uredigert om politikk slik det er i Stortingets spontanspørretime eller på eit torgmøte i ein valkamp.

Kva skjer: Frå klokka 13.00 på onsdag kan alle som vil stille meg spørsmål. Det kan du gjere ved å gå inn på bloggen min her eller ved å gå på www.twitter.com/bardvegar og sende meg eit spørsmål med hashtag #spørSolhjell.

Frå 14.00 – 15.00 vil eg sitte og svare. Til det vil eg bruke eit verktøy som heiter CoverItLive. For deg vil det sjå ut som eit vindauge på bloggen min der spørsmål og svar kjem opp, og der du kan legge inn spørsmål direkte.

Kva gjer du: For å stille spørsmål held det at du gjer det via bloggen min eller twitter. Dersom du vil følge med på spørretimen må du vere inne på bloggen.

Eg tek imot spørsmål om SVs politikk, om kunnskap – i prinsippet om alt. Eg svarer imidlertid berre på det eg kan svaret på, det det går an å svare nokså kort på og på seriøse spørsmål. Det vil seie at detaljerte spørsmål om timetalet i ulike fag eller kva som står i ein paragraf i voksenopplæringslova kan det hende eg må kome attende til seinare. Likeeins vil eg neppe svare grundig på store spørsmål om meininga med livet. Kanskje vil eg og samle opp enkelte tema og svare som del av ein heilskap. Eg vil heller ikkje føle meg forplikta til å svare på generelle kommentarar eller påstandar.

Dette er eit eksperiment. Eg veit ikkje heilt korleis det vil gå. Blir det få eller mange spørsmål? seriøse eller useriøse spørsmål? fungerer det tekniske? Har du spørsmål om gjennomføringa kan du sende kontakte Christine Dancke på christine.dancke@sv.no eller www.twitter.com/chrissypop eller legge igjen ein kommentar. Eg er oppteken i morgon, men skal sjå innom bloggen utpå ettermiddag/kvelden.

Dersom den digitale spørretimen blir ein fiasko blir det kanskje den siste eg har. Dersom vi får det til skal eg gjere det igjen. Velkommen til digital spørretime!