I Sverige har dei tre raudgrøne partia tidlegare sagt at dei vil forsøke å danne ei raudgrøn fleirtalsregjering etter valet. No har dei sett ned fem arbeidsgrupper på sentrale politiske saksfelt, som skal utarbeide felles posisjonar og framlegg. Det er sentrale politikarar frå alle partia som skal delta, mellom anna to tidlegare partileiarar og fleire profilerte riksdagsmedlemmer. Interessant prosjekt.

På Island sit sosialdemokratane og SVs søsterparti i regjeringsforhandlingar i dag, og tek sikte på å danne ei mindretalsregjering med støtte frå eit lite sentrumsparti. Det kan fort bli fleirtal etter vårens val. På den siste målinga eg såg hadde vårt søsterparti 38%!

Den norske suksessen sprer seg i Norden, slik eg før har skrive om. Eg har sjølv vore i Nederland og innleia om det norske samarbeidet for leiarar frå venstreparti i ei rekke europeiske land (m.a Tyskland, Nederland, Frankrike, Austerrike, Hellas). Dette er allereie eit tema på venstresida i mange land. Dersom vi vinn valet i Norge, og fleire nordiske land kjem etter oss, trur eg det raudgrøne samarbeidet har potensial til å bli ei større europeisk retning. Finanskrisa, med det behovet for tryggleik og politisk styring som føljer med den kan bidra til det.

Både i Tyskland, Frankrike, Italia og Kypros har ein hatt slike samarbeid regionalt eller nasjonalt. Ein nordisk suksess kan gje det nytt liv.

Taggar: Island, raudgrønt samarbeid, Sverige

Dette innlegget var skriven Saturday 31. January 2009 kl. 11:36 og er arkivert under Ikkje kategorisert, Internasjonalt, Politikk. Du kan føgje kommentarar til dette innlegget via RSS 2.0-feeden. Du kan kommentere innlegget eller trackbacke det frå nettsida di.